Dear Amang Rizal Sitorus,
Sada do amang anggo marga Nababan ima borsak Mangatasi
Molo namarpadan tu Sitorus ima Raja Mangambit turunan ni sundut pasampuluhuon, na ro sian Siborong-borong (humbang) tu Hitetano (habinsaran)
Dungi marpadan ma nasida tu Sitorus Pane na di talak batu parsambilan
Ia goarni ompu ni Sitorus Pane Ima Matasopiak, ra ala marbonsir sian tabo ni hohop ni pardonganon nasida gabe dibahen nasida ma parpadanan inon
Sisada anak sisada boru, na so jadi marsiolian, molo di jabu ni marga Sitorus marga nababan dahahang ma Sitorus, molo di jabu ni marga Nababan marga Sitorus anggina ma nasida
Alai ala di boto Sitorus godang do parpadanan i, ima parpadanan ni dongan tubuna dohot nababan na di hitetano gabe didok sitorus godang ma “dang pulik padan ni hahana tu padan ni anggina”, songoni muse do dohot hami Nababan nang pe na adong di Siborong-borong sai gabe di dok do padan ni anggina do padan ni hahana
Alani gabe sai molo jumpa iba dohot Sitorus sai gabe pintor gabe ni pasomal do mandok, “amang”, manang “abang” dang pola sinungkun be manang Sitorus nadia, dungi pandok ni nasida ma muse, olo adong mandok songonon, “daong bah marampara ma hita, asa unang adong namarsiginjangi”, adong muse do sipata mandok, “Daong bah, Pane do padan muna”
Alai molo ahu secara pribadi amang, asalma naung ni pajagar hian, asa unang iba gabe pamolat-molati di marga ni halak
Antar sai hera songoni ma amang na huantusi, jala atik beha adong nahurang lobi, ba boi do hamu gabe panuturi
Mauliate,
Horas
